ሁለተኛው የዓለም ጦርነት የተጀመረበት ሰባኛ ዓመት

ጀርመን ፖላንድን በመውረር ሁለተኛውን የዓለም ጦርነት የጫረችበት ዕለት ሰባኛ ዓመት ከትናንት ምሽት አንስቶ ፓላንድ ውስጥ በልዩ ልዩ ስነ ስርዓቶች እየታሰበ ነው ። የጀርመንዋ መራሂተ መንግስት አንጌላ ሜርክልና የሩስያው ጠቅላይ ሚኒስትር ቭላድሚር ፑቲን በተገኙበት ሰሜናዊ ፖላንድ ውስጥ በዛሬው ዕለት ዕለቱ የሚታሰብበት ስነ ስርዓት ይካሄዳል ። መራሂተ መንግስት አንጌላ ሜርክል በስነ ስርዓቱ ላይ ለመገኘት ወደ ፓላንድ ከመሄዳቸው በፊት በሰጡት መግለጫ ጀርመን ስልሳ ሚሊዮን ህዝብ ያለቀበትን ሁለተኛውን የዓለም ጦርነት በመጀመር የዓለም ህዝብ ለደረሰበት ሰቆቃ ምክንያት እንደሆነች አስታውሰዋል ። በአንፃሩ ከጦርነቱ በኃላ ከአስራ ሁለት ሚሊዮን በላይ ጀርመናውያን ከፖላንድ መባረራቸው ኢፍትሀዊ እንደነበር ከዚሁ ጋር ግንዛቤ ሊሰጠው እንደሚገባም ሜርክል አሳስበዋል ። ይልማ ኃይለ ሚካኤል

Yilma Hinz ,HIrut Melesse

Negash Mohammed