ይዘት

ሮም፤ የአውሮፓ ህብረት ውል የተፈረመበት ቀን ታስቦ ዋለ

በጣሊያን መዲና ሮም የተሰባሰቡ የ27 የአውሮፓ ሃገራት መሪዎች የአውሮፓ ህብረት መመስረቻ ውል የተፈረመበትን 60ኛ ዓመት አስበው ዋሉ፡፡ ህብረቱ ጠንካራ ሆኖ እንዲቀጥል አውሮፓውያን ከእርስ በእርስ ሽኩቻቸው እንዲታቀቡ የህብረቱ መሪዎች አስጠንቅቀዋል፡፡

Italien EU Gipfel (picture-alliance/AP Photo/A.Medichini)

በጣሊያን መዲና ሮም የተሰባሰቡ የ27 የአውሮፓ ሃገራት መሪዎች የአውሮፓ ህብረት መመስረቻ ውል የተፈረመበትን 60ኛ ዓመት አስበው ዋሉ፡፡ ህብረቱ ጠንካራ ሆኖ እንዲቀጥል አውሮፓውያን ከእርስ በእርስ ሽኩቻቸው እንዲታቀቡ የህብረቱ መሪዎች አስጠንቅቀዋል፡፡ መሪዎቹ ዛሬ ለስብሰባ የተቀመጡት ከአውሮፓ ህብረት ለመውጣት የወሰነችው ብሪታንያ ይፋዊ የመልቀቂያ ደብዳቤዋን ከምታስገባበት አራት ቀናት አስቀድሞ ነው፡፡ የብሪታንያ ጠቅላይ ሚኒስትር ቴሬሳ ሜይም በስብሰባው ላይ አልተገኙም፡፡ የብሪታንያ መውጣት ለህብረቱ ትልቅ ጉዳት ነው ቢባልም በሮም የተሰባሰቡት መሪዎች ህብረቱ በ60 ዓመት ውስጥ ያስገኘውን ሰላም እና ብልጽግና አወድሰዋል፡፡

የአውሮፓ ሃገራት መሪዎች በቃጠናዊ እና ዓለም አቀፍ ቀውሶች የሚታመሰውን ህብረትም ይበልጥ ለማጠናከር ቃል ገብተዋል፡፡ ብዙዎቹ መሪዎች ኢኮኖሚያዊ እና የጸጥታ ጥቅሞች ከተፈጠሩ ለህብረቱ ያለው ህዝባዊ ድጋፍ ያንሰራራል ብለው ያምናሉ፡፡ “ዛሬ ለማይከፋፈል እና ለማይነጣጠል ህብረት የገባነውን ቃል የምናድስበትና ቁርጠኝነታችንን በድጋሚ የምንረጋግጥበት ነው”ብለዋል የአወሮፓ ህብረት ዋና ሥራ አስፈጻሚ ዣን ክላውድ ጁንከር፡፡ የዛሬ ስድሳ ዓመት በሁለተኛው የዓለም ጦርነት ወቅት አባታቸው ሉክዘምበርግ ውስጥ በጀርመን ጦር ሠራዊት ውስጥ ተገደው መግባታቸውንም አስታውሰዋል።

ውሉ ከተመሰረተ ከአንድ ወር በኋላ የተወለዱት የአውሮጳ ምክር ቤት ፕሬዚዳንት ዶናልድ ቱስክ በበኩላቸው በጦርነት ፍርስራሽ ውስጥ የልጅነት ዘመናቸውን ማሳለፋቸውን ተናግረዋል። በህብረቱ አንዳንድ አባል ሃገራት ዘንድ የህብረቱ ተቃዋሚ ፖለቲከኞች እየተጠናከሩ መምጣታቸው ቢነገርም መሪዎቹ ግን «መተባበራችን ለበጎ ነው» ሲሉ አጽንዖት ሰጥተዋል።

ተፋለም ወልደየስ

ማንተጋፍቶት ስለሺ

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو