በተቃዋሚዎች ላይ የተሰጠው ፍርድና የዶናልድ ፔይን አስተያየት

የውጭ ግንኙነት ክፍል የዓለም የጤና ንዑስ ክፍል ኮሚቴ ሊቀመንበር ዶናልድ ፔይን እና የአውሮጳ ምክር ቤት አባል ወይዘሮ አና ጎሜሽ ትናንት አንድ የጋራ መግለጫ አወጡ። መግለጫው የኢትዮጵያ የፌደራል ከፍተኛ ፍርድ ቤት ሁለተኛ ወንጀል ችሎት በሠላሣ ስምንት የሰብዓዊ መብት ተሟጋቾች፡ በፓርላማ ተመራጮች የፖለቲካ መሪዎችና በጋዜጠኞች ላይ ያስተላለፈውን የጥፋተኝነት ውሳኔ አውግዞዋል። ውሳኔው የኢትዮጵያ የፍትህ ሥርዓት በገዢው ፓርቲ መዳፍ ሥር መውደቁን የሚያመላክት መሆኑንም መግለጫው አክሎ አስታውቋል። መግለጫውን መነሻ በማድረግ እንደራሴ ዶናልድ ፔይንን ያነጋገረው ወኪላችን አበበ ፈለቀ እንደራሴው ፍርድ ቤቱ ያሳለፈውን የጥፋተኝነት ውሳኔን ጠብቀውት እንደነበር ጠይቋቸዋል።