በታላቁ ቦክሰኛ ሞሐመድ አሊ ሞት ዓለም ኃዘኑን እየገፀ ነዉ

ፕሬዝዳንት ባራክ ኦባማ በቦክስ ስፖርት ውድድሮች ካስመዘገባቸው አስደናቂ ድሎች ባሻገር በአፍሪቃ አሜሪካውያን የሰብዓዊ መብት ትግል ባደረገው አስተዋጽዖ የሚወደሰው ሞሐመድ አሊን ከደቡብ አፍሪቃዊው የነጻነት ታጋይ ኔልሰን ማንዴላ እና ከአሜሪካዊው ማርቲን ሉተር ኪን ጁኒየር ጋር አነጻጽረው አሞካሽተውታል።

ሞሐመድ አሊ በቪየትናም ጦርነት አልዘምትም በማለቱ ለሶስት ዓመታት ከቦክስ ውድድር እንዳይሳተፍ ታግዷል። በቦክስ ውድድር 'ታላቁ' ለመባል የበቃው ሞሐመድ አሊ 56 ውድድሮች ያሸነፈ ሲሆን ከእነዚህ መካከል 37 ተጋጣሚዎቹን በዝረራ ረትቷል።

በዩናይትድ ስቴትስ ልዊቭል የተወለደው ካሴስ ማርሴለስ ክሌይ ጁኒየር የእስልምና እምነትን ተቀብሎ ስሙን ወደ ሞሐመድ አሊ የቀየረው በጎርጎሮሳዊው 1964 ዓ.ም. ነበር። ፕሬዝዳንት ባራክ ኦቦማ ለፍትሐዊነት እና ሐይማኖታዊ መቻቻል ታግሏል ያሉት ሞሐመድ አሊ የታገለው «ለእኛ» ነው ሲሉ ተናግረዋል። ፓርኪንሰን ከተሰኘው የነርቭ በሽታ ጋር ለዓመታት ሲታገል የቆየው ሞሐመድ አሊ ከዚህ ዓለም በሞት የተለየው በ74 ዓመቱ ነው።

እሸቴ በቀለ

አዜብ ታደሰ