በአፍጋኒስታን ሶስት የጀርመን ወታደሮች ተገደሉ

በጠና ከቆሰሉት ስድስት የጀርመን ወታደሮች መካከል የሁለቱ ጤንነት ለህይወት በሚያሰጋ ሁኔታ ላይ ነዉ። በሰሜን አፍጋኒስታን ባጋላን በተሰኘዉ መንደር በሚገኘዉ የጀርመን የጦር ሰፈር ዉስጥ 500 የጀርመን ወታደሮች ሰፍረዉ ይገኛሉ። ኩንዱስ አፍጋኒስታን በሚገኘዉ የጀርመን የጦር ሰፈር ላይ በደረሰ ሌላ ጥቃት አራት የጀርመን ወታደሮች መቁሰላቸዉም ታዉቆአል። ከአንድ አመት ግድም በፊት በምስራቅ አፍጋኒስታን በቾስት ከተማ አንድ አጥፍቶ ጠፊ በመኪና ላይ ባጠመደዉ ቦንብ ቢያንስ ስምንት ወታደሮችን መግደሉ የሚታወስ ነዉ። ከአዉሮጻዉያኑ 2001 አ.ም ጀምሮ እስከ ዛሪ 48 ያህል የጀርመን ወታደሮች በአፍጋኒስታን ህይወታቸዉን አጥተዋል።

አዜብ ታደሰ

መስፍን መኮንን