አውሮጳ/ጀርመን

አሸነፉ፤ ሜርክል ድጋሚ ተሳካላቸው!

የጀርመን አጠቃላይ ምርጫ ውጤት ለመራኂተ-መንግሥት አንጌላ ሜርክል ትምህርት ሰጥቶ ነው ያለፈው። 32 ከመቶ ድምጽ በማግኘት ፓርቲያቸው (CDU) ክርስቲያን ዲሞክራቲክ ኅብረት (እንደ ጎርጎሪዮስ አቆጣጠር በ2013 ከነበረው ውጤት ዐሥር በመቶ የመራጭ ድምጽ አጥቷል።

Angela Merkel (picture alliance/dpa/AP Photo/M. Schreiber)

የጀርመን አጠቃላይ ምርጫ ውጤት ለመራኂተ-መንግሥት አንጌላ ሜርክል ትምህርት ሰጥቶ ነው ያለፈው። 32 ከመቶ ድምጽ በማግኘት ፓርቲያቸው (CDU) ክርስቲያን ዲሞክራቲክ ኅብረት (እንደ ጎርጎሪዮስ አቆጣጠር በ2013 ከነበረው ውጤት ዐሥር በመቶ የመራጭ ድምጽ አጥቷል። እናም ፓርቲያቸው አዲስ በሚመሰረተው ምክር ቤት ውስጥ አምስት ሳይሆን ስድስት ፓርቲዎች ይጠብቋቸዋል። እናም የፖለቲካ ፉክክሩ ጠንከር ሳይልባቸው አይቀርም። መጤ ጠሉ አማራጭ ለጀርመን (AfD) ፓርቲም በምክር ቤቱ ሦስተኛ ደረጃ ላይ የሚገኝ ጠንካራ ተፎካካሪ በመኾን ራስ ምታት መፍጠሩ አይቀርም። ይኽ ሁሉ ተደማምሮ ለመራኂተ መንግሥት አንጌላ ሜርክል ከፍ,ተኛ ተግዳሮት መሆኑ አይቀርም። ከምንም በላይ ግን ከዛሬው ምሽት የምርጫ ውጤት በኋላ አንድ ነገር ጎልቶ መውጣቱ አይቀርም። መራኂተ መንግሥቷ ግልጽ በሆነ መልኩ በርካታ ድምፆችን ሊያጡ ይችላሉ። እንዲያም ሆኖ ግን ዘና ብለው መቀጠሉ የተመቻቸው ይመስላል። ከባየርኑ ክርስቲያን ሶሻሊስት ጋር ተጣማሪ የሆነው ፓርቲያቸው እንደ ጎርጎሪዮስ አቆጣጠር ከ1949 አንስቶ ከፍተኛ ሽንፈት ቢገጥመውም ማለት ነው።

Binz Wahlkampf CDU - Merkel (Reuters/A. Schmidt)

 

«ጃማይካ ጥምረት» 

በጀርመን ምርጫ ውጤት መሰረት አዲስ መንግሥት የሚመሰረተው የተለያዩ አሸናፊ ፓርቲዎች ተደራድረው ከተጣመሩ በኋላ ነው። አንድ ብቸኛ ፓርቲ ፈላጭ ቆራጭ ኾኖ እንዲገዛ አይፈቀድለትም። ዘንድሮ ጀርመን፦ «የጃማይካ ጥምረት» ሊገጥማት ይችላል ተብሎ ተገምቷል። «ጃማያክ ጥምረት» ጀርመን እንደ ኢትዮጵያ ከጃማይካዎች ጋር የተለየ ትስስር ኖሯት አይደለም። እንደ ሻሸመኔ ለጃማያካዎች የተሰጠ ሥፍራ በጀርመን ኖሮም አይደለም። ታዲያ «ጃማይካ ጥምረት» ቃሉ ከወዴት መጣ? በጀርመን እያንዳንዱ ፓርቲ የራሱ መለያ ቀለም አለው። የክርስቲያን ዲሞክራቲክ ኅብረትና የባየርኑ ክርስቲያን ሶሻሊስት ኅብረት ጥምረት መለያው ጥቁር ነው። የነጻ ዲሞክራቶቹ ፓርቲ መለያ ቀለም ቢጫ እንዲሁም የአረንጓዴዎቹ ፓርቲ መለያ አረንጓዴ ቀለም በአንድነት ጥቁር፣ ቢጫና አረንጓዴ ቀለም ቅልቅል ይፈጥራል። ልክ እንደ ጃማይካ ባንዲራ ማለት ነው። «ጃማይካ ጥምረት»ቃሉ የመጣውም ከዚህ ነው።

ፎልከር ቫግነር/ማንተጋፍቶት ስለሺ

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو