አቶ ካኽሳይ በርኸ ተቀበሩ

 በቅርብ የሚያዉቋቸዉ ለዶቼ ቬለ እንደገለፁት አቶ ካሕሳይ 11 ሆነዉ ወደ ደደቢት ተራራ በመጓዝ የትጥቅ ትግል ከጀመሩት የትግራይ ነፃ አዉጭ ቡድን መሥራቾች አንዱ የነበሩ ሲሆን፤ ለረዥም ዓመታት በስደት ሕይወታቸዉን ሲገፉ ቆይተዋል። በዘገባዉ ከሕዝባዊ ወያኔ ሐርነት ትግራይ መሥራቾች አንዱ ዶክተር አረጋዊ በርሄ ፣ አቶ ካህሳይ በርሀ ከድርጅቱ እንዲባረሩ ያደረጉት የቀድሞ ውጭ ጉዳይ ሚኒስትር አቶ ስዩም መስፍን ናቸው ሲሉ ስለገለፁት፤ ከአምባሳደር ስዩም ወይም ከሕወሀት አስተያየት ለማግኘት ሞክረን ነበር ። ቤይጂንግ ስንደውል አምባሳደር ስዩም ኢትዮጵያ መሆናቸው ተነግሮን በኢትዮጵያ የውጭ ጉዳይ ሚኒስቴር እንዲሁም በህዝብ ግንኙነታቸው በኩል ርሳቸውን ለማግኘት ያደረግነው ሙከራ አልተሳካም ። የሕወሀት ሃላፊዎችንም በስልክ ማግኘት አልቻልንም ። ጥረታችን ግን ይቀጥላል።

ይልማ ኃይለ ሚካኤል

ሸዋዬ ለገሠ

ኂሩት መለሰ