ኢትዮጵያውያን ተመላሾችና የጀርመን እገዛ

ከጀርመን ወደ ኢትዮጵያ በፍላጎታቸው ለሚመለሱ ኢትጵያውያን ምሁራን እገዛ ከሚያደርገው የጀርመን አለም አቀፍ የፍልሰትና የልማት ማዕከል ድጋፍ ያገኙ ተመላሾች ተመክሮ የዛሬው አውሮፓና ጀርመን ዝግጅታችን ትኩረት ነው ።

ዶክተር ኤፍሬም ገብረ ማርያምና ና የምሥራች ነጋሽ ከፍተኛ ትምህርታቸውን ጀርመን የተከታተሉ በአሁኑ ሰአት ደግሞ በሰለጠኑበት ሞያ ኢትዮጵያ ውስጥ በማገልገል ላይ የሚገኙ ምሁራን ናቸው ። ዶክተር ኤፍሬም ከበርሊኑ ፍሪ ዩኒቨርስቲ በዶክትሬት ዲግሪ ተመርቀዋል ። ያጠኑት መልክአ ምድርን የተመለከቱ ልዩ ልዩ መረጃዎችን ማቀነባበርና በተፈጥሮ ሃብት አጠቃቀም ና በመሳሰሉት  ለውጥ እንዲያመጡ ማድረግ ነው ።  የዛሬ 2 አመት ትምህርታቸውን አጠናቀው ወደ ኢትዮጵያ ከተመለሱ ወዲህ በሰጠኑበት መስክ አገልግሎት በሚሰጠው «ESystems አፍሪቃ »በተባለ የግል ድርጅት ውስጥ ይሰራሉ ። በዩኒቨርስቲም ያስተምራሉ ። ዶክተር ኤፍሬም ወደ ኢትዮጵያ በፍላጎታቸው ለሚመለሱ ኢትጵያውያን ሥራ በመፈለግና ገንዘብ በመደጎም ከሚረዳው የጀርመን አለም አቀፍ የፍልሰትና የልማት ማዕከል እገዛ ከሚያገኙ ተመላሾች አንዱ ናቸው ። ዶክተር ኤፍሬም እንደሚሉት ግን ወደሃገራቸው የተመለሱት ይህ መርሃ ግብር በመኖሩ ብቻ አይደለም ።

የምሥራች ነጋሽ በጀርመኑ የካስል ዩኒቨርስቲ 2ተኛ ዲግሪያቸውን በከፍተኛ ትምህርት ጥናትና ምርምር አጠናቀው ባለፈው አመት በሚያዚያ ነበር ወደ ኢትዮጵያ የተመለሱት ።    በኢትዮጵያ አርክቴክቸር ህንፃ ግንባታና የከተማ ልማት ተቋም ውስጥ በሰለጠኑበት ሞያ እየሰሩ ነው ። እርሳቸውም እንደ ዶክተር ኤፍሬም ከጀርመን አለም አቀፍ የፍልሰትና የልማት ማዕከል መርሃ ግብር ተጠቃሚ ናቸው ።

ዶክተር ኤፍሬምና የምሥራች እንደሚሉት የጀርመን አለም አቀፍ የፍልሰትና የልማት ማዕከል በጀርመን እውቀትና የሥራ ልምድ ያካበቱ ምሁራን ወደ ሃገራቸው ተመልሰው በሚፈለጉባቸው የሥራ መስኮች እንዲያገለግሉ  የሚሰጠው ድጋፍ ጠቀሜታ ቀላል ግምት የሚሰጠው አይደለም ። የምሥራች

ዶክተር ኤፍሬም መርሃ ግብሩ በተለይም ባለሞያዎች ከተማሩባቸው መስኮች ውጭ የተሻለ ጥቅም ሊያገኙባቸው ወደ ሚችሉ ሥራዎች እንዳያተኩሩ ከፍተና እገዛ ያደርጋል ይላሉ ።

ሁለቱም ተመላሾች በበኩላቸው ማዕከሉ የሚሰጠው አገልግሎት እምብዛም የሚተች አይደለም ይላሉ ። ሆኖም ቢሻሻሉ ያሏቸው አሰራሮች አልጠፉም ።

ሂሩት መለሰ

ተክሌ የኋላ