የሊብያ መሪ የኢጣልያ ጉብኝት

እእአ ከ1969 ወዲህ ሊብያን የሚመሩት ጋዳፊ የቀድሞዋን የሀገራቸውን ቅኝ ገዢ ኢጣልያን ሲጎበኙ ይህ የመጀመሪያ ጊዜ ነው። የኢጣልያ ጠቅላይ ሚንስትር ሲልቭዮ ቤርሉስኮኒ እና ሌሎች ከፍተኛ የሀገሪቱ ባለስልጣናት በሮማ ቺያምፒኖ አየር ማረፊያ በመገኘት ለጋዳፊ አቀባበል አድርገውላቸዋል። የሊብያው መሪ ሶስት ቀናት በሚቆየው ጉብኝታቸው ወቅት ከኢጣልያ ከፍተኛ ባለስልጣናት ጋር በተለያዩ የጋራ ጉዳዮች፡ በአከራካሪው ህገ ወጥ አፍሪቃውያን ስደተኞች ጉዳይ ላይ ጭምር እንደሚወያዩ ይጠበቃል። እንደሚታወሰው፡ የኢጣልያ ጠቅላይ ሚንስትር ባለፈው ዓመት ሊብያን በመጎብኘት በዚህ ረገድ አንድ ታሪካዊ ውል ከተፈራረሙ ወዲህ የሁለቱ ሀገሮች ግንኙነት እየተሻሻለ መጥቶዋል።

ተኽለእዝጊ ገብረየሱስ/አርያም ተክሌ/ሸዋዬ ለገሠ