የሐጂ ፀሎት

የአሳማ ጉንፋን ወይም የH1 N1 ተሕዋስ ስርጭት ለዘንድሮዉ ሐጂ ወደ መካ የሚሔደዉን ምዕመን ቁጥር ይቀንሰዋል የሚል መላ ምት አስከትሏል።የስዑዲ አረቢያ መገናኛ ዘዴዎች ግን ተጓዡ ከወትሮዉ ብዙ አይቀንስም ባይ ናቸዉ።የሐገሪቱ የጤና ጥበቃ ሚንስቴር ኢትዮጵያዉያንን ጨምሮ ላንዳድ ሐገራት ሐጃጆች ክትባት ለመስጠት ማቀዱም ተስምቷል።ባለፈዉ አመት በፖለቲካዊ ዉዝግብ ሰበብ ሐጂ ማድረግ ያልቻሉ ፍልስጤማዉያን ምዕመናን ዘንድሮ ተሳታፊዎች ናቸዉ።ከኢትዮጵያም አራት ሺሕ አምስት መቶ ያሕል ምዕመናን ይጓዛሉ ተብሎ ይጠበቃል።የኢትዮጵያ አየር መንገድ በበኩሉ ሐጃቾችን ለማጓጓዝ ከአዲስ አበባ -መዲና አዲስ በረራ ጀምሯል።የጂዳዉ ወኪላች ነብዩ ሲራክ ተጨማሪ ዘገባ አለዉ።

ነብዩ ሲራክ

ነጋሽ መሐመድ

አርያም ተክሌ