የመስቀል እና የደመራ በዓል

በጀርመን የሚኖሩ የኦርቶዶክስ እምነት ተከታዮች የዘንድሮውን ፤ የ 2008 ዓ ም፣ የደመራ በዓል በፍራንክ ፈርት ጀርመን ደብረ ፀሐይ ቅድስት ማርያም ቤተ-ክርስትያን በድምቀት አክብረዋል። በንጉሥ ቆስጠንጢኖስ እና በንግሥት እሌኒ ፍለጋ ተቆፍሮ፤ በኢየሩሳሌም የተገኘው፤ ኢየሱስ ክርስቶስ የተሠቀለበት መስቀል፣ የሚታሰብበት ሃይማኖታዊና ባህላዊ በዓል ነዉ።

የደመራ በዓል ሲከበር ከተለያዩ የጀርመን ከተሞች የተሰባሰቡ ኢትዮጵያዉያን የሃይማኖት አባቶች ተገኝተዋል። የደብረ ፀሐይ ቅድስት ማርያም ቤተ-ክርስትያን መዘምራን ክብረ በዓሉን በዝማሬ አድምቀዋል።

ኢትዮጵያዉያን እና ኤርትራዉያን ምዕመናን እንዲሁም ተጋባዥ እንግዶችና የከተማዋ ነዋሪዎች በሥነ- ስርዓቱ ላይ ተገኝተዉ ነበር። እንደ ብዙዎች ግምት በዚህ ክብረ በዓል ከ1000 በላይ ሰዉ ነበር የተገኘዉ።

በደመራ በዓል ላይ ከተገኙት ምዕመናን በከፊል።

በፍራንክፈርቱ የደመራ በዓል ላይ ጀርመናዉያንን ጨምሮ የሌሎች ሀገራት ዜጎችም የክብረ በዓሉ ተካፋይ ነበሩ።

የደብረ ፀሐይ ቅድስት ማርያም ቤተ-ክርስትያን መዘምራን ክብረ በዓሉን አድምቀዉት ነበር ያመሹት።

የደመራዉ ድምቀት የብዙዎችን ትኩረት የሳበ ነበር።

በፍራንክፈርትና አካባቢዋ የሚኖሩ ምዕመን የደመራን በዓል ለማክበር ወደ ቦታዉ መትመም የጀመሩት ከቀኑ ዘጠኝ ሰዓት ጀምሮ ነዉ።

በገናዉም ለምሥጋና እና ለበዓሉ ድምቀት በአደባባዩ ታይቷል።

ታዳሚዎችን ያሳተፈዉ ዝማሬ በኅብረት ሲቀርብ።

በዓሉን ያደመቀዉ የሰንበት ትምህርት ቤት ዘማርያን ወረብ።

የመስቀል በዓል በመላዉ ኢትዮጵያ በኦርቶዶክስ ክርስትና እምነት ተከታዮች ዘንድ በደምቀት ተከበረ። በተለይ የአዲስ አበባ ከተማ በመስቀል አደባባይ በታላቅ ሃይማኖታዊ ሥርዓት ነዉ የተከበረዉ።

በአዲስ አበባ መስቀል አደባባይ በተካሄደዉ የደመራ በዓል ላይ።