የሙዚቃ ድግስ የከባቢ አየር ሙቀትን ለመቀነስ

ቀን ቀመር ለሚከተሉ ለየት ያለ ቀን ነበር።

ወር ከገባ 7ኛ ቀን 7ኛ ወር እናም 2007 አ.ም ልብ በሉ 7ኛ ቀን 7ኛ ወር 2007 አ.ም። ሰባት ሰባት የገጠመበት ለየት ያለ ቀን በማለት ያምኑበታል ተመሳሳይ ቁጥር በአንድ ቀን ሲገጥም። ታድያ ይህን አስታከዉ በእለቱ ትዳራቸዉን የመሰረቱ ፣ መሃላ የተገባቡ ጥንዶች በርካታ ነበሩ። ጤና ይስጥልኝ አድማጮች እንደምን ዋላችሁ ይህንን ያነሳሁላችሁን ጉዳይ ወደ ኳላ ላይ እመለስበታለሁ በመጀመርያ ግን በትናንትናዉ እለት በሰባቱም አህጉራት የከባቢ አየር ሙቀት መጨመር መንስኤ የሆኑትን ችግሮች ማስወገድ አለብን በሚል፣ ታዋቂ የፖፕ ሙዚቃ አቀንቃኞች ታላቅ የሙዚቃ ድግሳቸዉን በስምንት የተለያዩ አገሮች አሳይተዋል። LIVE EARTH የሚል ስያሜ የተሰጠዉ ይኸዉ የሙዚቃ ትርኢት በአለም ዙርያ በሚገኙ ከ100 በላይ አገሮች በራድዮና በቴሌቭዥን አማካኝነት በቀጥታ ስርጭት ተላልፎአል። ይህን የሙዚቃ ድግስ በአለም ዙርያ ከሁለት ቢሊዮን ህዝብ በላይ ተከታትሎታል የሚል ግምትም አለ። የዛሪዉ የባህል መድረከቻን ትናንት በአለም ዙርያ ስለተስተጋባዉ የሙዚቃ ትርኢት እና ተልዕኮዉ፣ በተጨማሪ በጅምላ ስለተካሄደዉ ሰርግ በጥቂቱ ሊያወጋችሁ ተሰናድቶአል አብራችሁን ቆዩ።