ኤኮኖሚ

የቀድሞዎቹ እንጨት ተሸካሚዎች 

ትክክለኛ ቁጥራቸው አይታወቅ እንጂ በአዲስ አበባ እንጨት እና ቅጠል ለቅመው በመሸጥ ቤተሰባቸውን የሚያስተዳድሩ ብዙ ሴቶች አሉ። ሥራቸው እስከ አስገድዶ መድፈር የሚያደርስ ለድብደባም የሚያጋልጥ እንደሆነ ይናገራሉ።

አውዲዮውን ያዳምጡ። 10:02

የቀድሞዎቹ እንጨት ተሸካሚዎች

ወ/ሮ አማረች አሜ ለብዙ ዓመታት ኑሯቸውን የገፉት ከእንጦጦ ጫካ እንጨት ለቅመው በሽሮ ሜዳ ገበያ እየቸረቸሩ ነበር። ሥራው ጀርባ ይሰብራል፤ የጥበቃ ዱላ እና ጥቃትም አያጣውም። አምስት አባላት ያሉትን ቤተሰብ ለማኖር ወ/ሮዋ በሳምንት ሶስት ቀናት ከሽሮ ሜዳ ተነስተው የእንጦጦ ጫካዎችን ሲያካልሉ ኖረዋል።"እንጦጦ ተራራ ወጥቼ ነው የምለቅመው። ከዛ ከላይ ንፋስ ያራገፈውን ቅጠል ሰብስቤ በመሸጥ ነበር የምተዳደር የነበረው። በሳምንት ሶስት ጊዜ እሔዳለሁ። ገበያ ላይ ግን ዋጋው በጣም ርካሽ ነበር።" ወጣቷ ፍቅርተ ጀቤሳም ለሁለት አመታት የእናቷን ዱካዎች እየተከተለች እንጨት ለቅማ ትሸጥ ነበር። ፈታኙን ሥራ ተጋፍጠው ቤተሰባቸውን የመመገብ ጫናው የወደቀው ግን ዛሬ ህመም በተጫናቸው የእናቷ ጫንቃ ላይ ነበር።እንጨት ለቀማው ሁሌ አይሳካም።አንዳንዴ ደግሞ የጥበቃዎች ዱላም አለ። ለዚህ ደግሞ ወ/ሮ አማረች ምሥክር ናቸው። ጀርባ የሚያጎብጠው እንጨት ለቀማ እስከ ሁለት ሰዓት ያስጉዛል። ጫካ ለጫካ የሚያኳትነው ሥራ አስከ አስገድዶ መደፈር የሚያደርስ አደጋ አለው። ፍቅርተ ዘርዘር አድርጋ ልትናገረው አትፈልግ እንጂ እሷን ጨምሮ በርካቶች ይኸው መጥፎ አጋጣሞ ደርሶባቸዋል። 

Ghana Frauen Internationaler Frauentag (Geoffrey Buta)


96 በመቶ ገደማ ኢትዮጵያውያን የዕለት ከዕለት ምግባቸውን ለማብሰል የባህላዊ ኃይል ምንጭ ጥገኛ ናቸው። ማገዶ፤ከሰል፤ ከሰብል የተረፉ ምርቶች፤እና የእንስሳት አይነ ምድር ለኢትዮጵያውያን የምግብ ማብሰያ ሆነው ያገለግላሉ። አዲስ አበባ ታዲያ ባህላዊውን የኃይል ምንጭ እንድታገኝ እንደ ወ/ሮ አማረች እና ፍቅርተ ያሉ እንጨት ለቃሚዎች ያስፈልጓታል። አሏትም።  በእንጨት ለቀማ የተሰማሩ ሰዎች ትክክለኛ ቁጥር፤በሥራቸው የሚያገኙት አማካይ ገቢም ይሁን ፈተናዎቹን የሚዳስስ ጥልቀት ያለው ሰነድ ማግኘት አልቻልንም። የኢትዮጵያ ሙሉ ወንጌል አማኞች ቤተ-ክርስቲያን የልማት ድርጅት በሰራው የዳሰሳ ጥናት ግን ቢያንስ እስከ 800 ሰዎች በዚህ የሥራ ዘርፍ ተሰማርተው እንደሚገኙ ይገምታል። አቶ አልዩ ሸረዲ የኢትዮጵያ ሙሉ ወንጌል የልማት ድርጅት  መካከለኛ ቀጠና ፕሮግራም ኦፊሰር ናቸው። 
ወ/ሮ አማረች አሜ እና ፍቅርተ ጀቤሳን ከቀድሞ የእንጨት ለቀማ ሥራቸው ያላቀቃቸው የኢትዮጵያ ሙሉ ወንጌል አማኞች ቤተ-ክርስቲያን የልማት ድርጅት የሰጣቸው ሥልጠና እና ያቀረበላቸው ተዘዋዋሪ የብድር አቅርቦት ነው። ለስድስት አመታት በሶስት ዙሮች ለማገዶ ለቃሚዎች ስልጠና እና የመነሻ ገንዘብ በመስጠት አማራጭ ሥራ እንዲያገኙ ሲያደርግ ቆይቷል። ወደ 42 ከሚደርሱት የድርጅቱ የሥራ ዘርፎች መካከል የሕጻናት፤አረጋውያን እገዛ እና የሴቶች አቅም ግንባታ ይገኙበታል። ድርጅቱ በሚሰራቸው የልማት ሥራዎች እንጨት ለቃሚዎችን፤ 12ኛክፍል አጠናቀው ስራ ያጡ እንዲሁም ከከፍተኛ የትምህርት ተቋማት ተመርቀው ሥራ የሚፈልጉ ሰዎች ያግዛል። 

ሙሉ ቅንብሩን ከድምፅ ማዕቀፉ ያድምጡ።

እሸቴ በቀለ 

ነጋሽ መሐመድ 

Audios and videos on the topic

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو