የትራምፕ ትዕዛዝ እና የሶማሌ ማህበረሰብ 

የዩናይትድ ስቴትስ ፕሬዝዳንት ዶናልድ ትራምፕ ካፀደቁት በኋላ ባለፈው ሳምንት መጨረሻ ተግባራዊ መሆን የጀመረው  የጉዞ እገዳ  ሰለባ ከሆኑት መካከል በአሜሪካን የሶማሌ ማህበረሰብ አባላት ይገኙበታል ። ትራምፕ  እገዳውን ከመፈረማቸው ከሁለት ቀናት በፊት 90 ሶማሌዎች ከአሜሪካን እንዲባረሩ ተደርጓል ። ትዕዛዙ ከተላለፈ በኋላ ደግሞ የአሜሪካን ቋሚ የሥራ እና የመኖሪያ ፈቃድ ያላቸው ሶማሊያውያን ለጉዞ በተለያዩ አውሮፕላን ጣቢያዎች በተገኙበት ወቅት መታሰራቸው እና መንገላታታቸውን ሶማሊያውያን ይናገራሉ ። ከትራምፕ ትዕዛዝ በኋላ በመወሰድ ላይ ባሉት በነዚህ እርምጃዎች አሜሪካ የሚኖሩ የሶማሌ ማህበረሰብ  አባላት በፍርሃት መዋጣቸዉን የዋሽንግተን ዲሲው ወኪላችን መክብብ ሸዋ ዘግቧል ። 
መክብብ ሸዋ 
ኂሩት መለሰ
ነጋሽ መሐመድ