ትራምፕ ከዚህ ቀደም አብዝተው ባብጠለጠሉት የተ.መ.ድ. የመጀመሪያ ንግግራቸውን አድርገዋል

የዩናይትድ ስቴትሱ ፕሬዝደንት ዶናልድ ትራምፕ ስለ ተባበሩት መንግሥታት ድርጅት የሚሰጧቸው አስተያየቶች ሁል ጊዜም አወዛጋቢ ናቸው። በጎርጎሮሳዊው 2005 ዓ.ም. "እኔ የተባበሩት መንግሥታት ድርጅት አድናቂ ነኝ" ያሉት ሰው ባለፈው ዓመት «ድርጅቱ ደካማ ነው» ሲሉ ወቅሰውታል። በምረጡኝ ዘመቻቸው ወቅት ድርጅቱ የተዋጣለት ሥምምነት መፈጸም አልቻለም ሲሉ ነበር። "የተባበሩት መንግሥታት ድርጅት ለችግር መፍትሔ ሲያበጅ አይታችሁ የምታውቁት መቼ ነው? መፍትሔ መፍጠር አይችልም" ብለውትም ያውቃሉ። ባስ ሲልም የተባበሩት መንግስታት ድርጅት የዴሞክራሲ ወዳጅ አይደለም እስከ ማለት ደርሰዋል። እኚሁ ሰው ታዲያ አብዝተው ሲያብጠለጥሉት ከከረሙት ድርጅት ጠቅላላ ጉባኤ ፊት ቀርበው ዛሬ ንግግር አድርገዋል።  ወደ ስቱዲዮ ከመግባቴ በፊት ስለ ንግግራቸው ዋሽንግተን የሚገኘውን የዶይቼ ቬለ ወኪል መክብብ ሸዋን አነጋግሬዋለሁ። 

መክብብ ሸዋ

እሸቴ በቀለ

ነጋሽ መሐመድ