ዓለም

የትራምፕ ውሳኔ እሥራኤል፣ፍልስጤማውያን እና ውግዘቱ

የፍልስጤማውያኑ መሪ ማህሙድ አባስ የትራምፕ ውሳኔ «ዩናይትድ ስቴትስ እስራኤልን እና ፍልስጤማውያንን ለመሸምገል ብቃት እንደሌላት አረጋግጧል ብለዋል። የፖለቲካ ተንታኞችም ትራምፕ የወሰዱት እርምጃ በእሳት እንደመጫወት ይቆጠራል ሲሉ እያስጠነቀቁ ነው።

አውዲዮውን ያዳምጡ። 03:43

የትራምፕ ውሳኔ እሥራኤል እና ፍልስጤማውያን

የዩናይትድ ስቴትስ ፕሬዝዳንት ዶናልድ ትራምፕ ለእየሩሳሌም የእስራኤል ዋና ከተማነት ትናንት በይፋ እውቅና መስጠታቸው ከዓለም ዙሪያ ልዩ ልዩ ተቃውሞ እና ትችቶችን አስከትሏል። እርምጃው  በእስራኤል እና በፍልስጤማውያን መካከል ሰላም ለማውረድ ሲካሄዱ የቆዩትን ጥረቶች መና የሚያስቀር  በመካከለኛው ምሥራቅም አለመረጋጋትን የሚያስከትል ነው ሲሉ በርካታ መንግሥታት ትራምፕን ነቅፈዋል። የፍልስጤማውያኑ መሪ ማህሙድ አባስ የትራምፕ ውሳኔ «ዩናይትድ ስቴትስ  እስራኤልን እና ፍልስጤማውያንን ለመሸምገል ብቃት እንደሌላት አረጋግጧል ብለዋል። የፖለቲካ ተንታኞችም ትራምፕ የወሰዱት እርምጃ በእሳት እንደመጫወት ይቆጠራል ሲሉ እያስጠነቀቁ ነው። የዩናይትድ ስቴትስ ፕሬዝዳንት ዶናልድ ትራምፕ እየሩሳሌምን የእስራኤል ዋና ከተማ አድርገው መቀበላቸውን በይፋ ማሳወቃቸው አካባቢውን ወደ ኋላ ይልቁንም ወደ ጨለማው ጊዜ የሚወስድ እርምጃ ነው ሲል የአውሮጳ ህብረት ኮንኗል። የህብረቱ የውጭ ጉዳዮች መርህ ሃላፊ ወይዘሮ ፌደሪካ ሞገሪኒ ዛሬ በሰጡት መግለጫ የትራምፕ ውሳኔ በጣም አሳሳቢ ተጽእኖ ሊያሳድር ይችላል ሲሉ አሳስበዋል። እርምጃው ዩናይትድ ስቴትስ በአካባቢው ልትጫወት የምትችለውን ሚና የሚያኮስስ ነው ያሉት ሞጎሮኒ በዓለም ዙሪያም ተጨማሪ ውዥንብር ያስከትላል ሲሉም አስጠንቅቀዋል።ከትራምፕ ውሳኔ በኋላ ዛሬ በዮርዳኖስ ወንዝ ምዕራባዊ ዳርቻ ተቃውሞዎች እየተካሄዱ ነው። የትራምፕን ውሳኔ በመቃወም ፍልስጤማውያን አጠቃላይ አድማ መታዋል። ዛሬ ትምህርት ቤቶች እና ሱቆች የተዘጉ ሲሆን ጋዛን የሚቆጣጠረው ሀማስ ለአዲስ አመጽ ጥሪ አድርጓል። ቡድኑ ዛሬ ባስተላለፈው ጥሪ ደጋፊዎች ለሚያስተላልፈው ትዕዛዝ ተዘጋጅተው እንዲጠብቁ ጠይቋል። እስራኤል በበኩልዋ በአካባቢው በመቶዎች የሚቆጠሩ ተጨማሪ ወታደሮች እያሰማራች መሆኑን አስታውቃለች። ከእየሩሳሌሙ ዘጋቢያችን ጋር የተደረገው ቃለ ምልልስ እንዲሁም ከዋሽንግተን እና ከብራሰልስ የደረሱንን ዘገባዎች የድምጽ ማዕቀፎቹን በመጫን ማዳመጥ ይችላሉ። 

ዜናነህ መኮንን 

ናትናኤል ወልዱ

ገበያው ንጉሴ

ኂሩት መለሰ

ነጋሽ መሐመድ 

Audios and videos on the topic

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو