የእስራኤሉ ዉጪ ጉዳይ ሚንስትር በአዉሮጳ

አራት የአዉሮጳ ሐገራትን በመጎብኘት ላይ የሚገኙት አዲሱ የእስራኤል ዉጪ ጉዳይ ሚንስትር አቪግዶር ሊበርማን ትናንት በርሊን ዉስጥ ከጀርመን ባለሥልጣናት ጋር ተነጋግረዋል።ሊበርማን ከበርሊን በፊት ሮምና ፓሪስን ጎብኝተዉ ነበር።ዛሬ ደግሞ ፕራግን ይጎበኛሉ ተብሏል።በየደረሱበት ሕዝባዊ የተቃዉሞ ሠልፍ፥ ዉግዘትና ትችት የገጠማቸዉ ቀኝ ፅንፈኛዉ ፖለቲከኛ የበርሊን ቆይታና ዉይይታቸዉ ከመገናኛ ዘዴዎችና ከፎቶግራፍ-አንሺዎች የተደበቀ ነበር።የሊበርማንን ጉብኝትና የተደበቀበትን ምክንያት ይልማ ሐይለሚካኤል ከዚያዉ ከበርሊን ተከታትሎታል።

ይልማ ሐይለ ሚካኤል

ነጋሽ መሐመድ