የኦሮሚያ የኤኮኖሚ አብዮት የት ደረሰ? | ኤኮኖሚ | DW | 06.12.2017

ኤኮኖሚ

የኦሮሚያ የኤኮኖሚ አብዮት የት ደረሰ?

የኦሮሚያ ክልላዊ መንግሥት ባለፈው ዓመት ከፍተኛ የምጣኔ-ሐብት እድገት ያመጣል ያለውን እቅድ ማስተዋወቁ አይዘነጋም።ዕቅዱ ከምጣኔ ሐብታዊ ፋይዳዉ በተጨማሪ በአካባቢዉ የተነሳዉን ሕዝባዊ ተቃዉሞ ለማቀዝቀዝ፤ ለሕዝቡ በተለይም ለወጣቱ የሥራ ዕድል ለመፍጠር እንደሚረዳ በሰፊዉ ሲነገር ነበር።

አውዲዮውን ያዳምጡ። 10:13

የኦሮሚያ የኤኮኖሚ አብዮት የት ደረሰ?

የኦሮሚያ ክልላዊ መንግሥት ላቋቋማቸው የኬኛ መጠጥ ማቀነባበሪያ እና የኦዳ ትራንስፖት ኩባንያዎች ባለድርሻዎችን ማስፈረም ጀምሯል። ኩባንያዎቹ በክልሉ ምጣኔ ሐብት ከፍተኛ ለውጥ ለማምጣት የታቀደው "የኤኮኖሚ አብዮት" አካል ናቸው። የተዘጋጁት የመመሥረቻ ድርሻዎች (አክሲዎኖች) በታቀደው መጠን መሸጣቸው ግን አጠራጣሪ ነው። በመጀመሪያው ምዕራፍ ወደ ሥራ ይገባል የተባለለት ኦዳ የተቀናጀ ትራንስፖርት አክሲዮን ማኅበር ወደ 400 ሺህ በሚጠጉ አርሶ አደሮች እና ባለሀብቶች ባለድርሻዎች ይቋቋማል ተብሎ ነበር።  የኦሮሚያ ትራንስፖርት ቢሮ ኃላፊ አቶ ታከለ ኡማ ባለፈው ቅዳሜ ለኦሮሚያ ብሮድካስቲንግ ሰርቪስ እንደተናገሩት የመመሥረቻ አክሲዮን የገዙት ከ10 ሺህ በላይ ሰዎች ብቻ ናቸው። 

«ለምሳሌ የኦዳን አክስዮን እያስፈረምን እንገኛለን። እስካሁን የባለቤትነት ድርሻ የገዙት ከ10 ሺህ በላይ ናቸው። ዛሬ እስከ 11:30 ወደ 90 በመቶ መስራቾች ፈርመዋል።  ይህን ስንል ወደ አንድ ሺህ ሰዎች ቀርተዋል ማለት ነዉ። በአክሲዮን ድርጅት መመስረቻ ሕጉ መሰረት ድርሻ ከገዙት ዉስጥ አንድ ሰዉ እንኳን ቢቀር ወደ ምሥረታ መሸጋገር አይቻልም። በሌሎች አክስዮኖችም ተመሳሳይ ነገር እያጋጠመን ነዉ። ለምሳሌ የኬኛ ተጀምሯል። ብዙ ሰዎች የኬኛን ድርሻ ገዝተዋል። ይሁን እንጂ ሰዎች ቶሎ ብለው ባለመፈረማቸው  መንጠባጠብ  እያጋጠመን ነዉ።»

የኩባንያዎቹን ምሥረታ በቅርበት ከሚከታተሉት መካከል ዶ/ር ደረጄ ገረፋ አንዱ ናቸው። ዶ/ር ደረጄ እንደሚሉት ከኬኛ የመጠጥ ማቀነባሪያ እና የኦዳ የተቀናጀ ትራንስፖርት አክሲዮኖች በተጨማሪ የአኳ አምቦ እና የወላቡ የግንባታ ኩባንያ ምሥረታ መንገድ ላይ ናቸው።

ሙሉ ዘገባውን የድምፅ ማዕቀፉን በመጫን ያድምጡ

እሸቴ በቀለ

ነጋሽ መሐመድ

Audios and videos on the topic

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو