የጀርመን ፕሬዚዳንት የናይጄርያ ጉብኝት

ፕሬዝደንት ጋዉክ በዚህ ጉብኝታቸዉ ከናይጀርያ አቻቸዉ ሙሀማዱ ቡሃሪ ጋር ሽብርተኝነትን መዋጋትን በተመለከተ በሰፊዉ እንደሚነጋገሩ ይጠበቃል። ከዚህም ሌላ ጉብኝታቸዉ በሁለቱ ሃገራት መካከል ያለዉን የኤኮኖሚ እና ሌሎች የሁለትዮሽ ግንኙነቶችን ለማጠናከር ያለመ እንደሆነም ተጠቁሟል። ፕሬዝደንቱ ከናይጀሪያ ጉብኝታቸዉ በኋላም የፊታችን ዓርብ ማሊን ለጥቂት ሰዓታት እንደሚጎበኙም ተገልፆአል። ዲሞክራሲያዊ ምርጫ የተካሄደባት ናይጀሪያ ነፃ የመገናኛ ብዙሃን እንዳሏት ይነገርላታል። ናይጀሪያ ከአፍሪቃ በነዳጅ ዘይት ኃብቷ ብትታወቅም በአንፃሩ በሀገሪቱ የሙስናና ድሕነት ይዞታዉ ከፍተኛ እንደሆነም ይወራል። ቦኮ ሀራም የሚያደርሰዉ የሽብር ጥቃት እና እገታም ምዕራብ አፍሪቃዊቱን ሀገር የሚያሳስብ ጉዳይ ነዉ። የበርኒኑ ወኪላችን ዘገባ ልኮልናል።

ይልማ ኃይለ ሚካኤል

አዜብ ታደሰ
ሸዋዬ ለገሠ