An fara bukukuwan zagayowar shekara guda da aukuwar Tsunami

Shekara daya daidai bayan aukuwar mummunar girgizar kasar nan ta karkashin teku, wato Tsunami, wadanda suka tsira da rayukansu daga wannan bala´i da ya addabi yankin kudanci da kudu maso gabashin Asiya, sun hallara a kasar Tahiland don yin bukin tunawa da wadanda bala´in ya rutsa da su. An kawata wurare da dama na gabar tekun Thailand din da tare da ajiye furanni da kandura da kuma wasu kwale-kwale da aka yi musu fenti launuka dabam-dabam. Wasu ´yan yawan shakatawa a yankin sun shiga cikin bukin addu´o´in na zagayowar shekara daya da aukuwar wannan balí daga Indallahi. A halin da ake ciki hukumomi a kasashen Sri Lanka da na lardin Aceh a Indonesia sun ba da alkaluman masu rikitarwa game da aikin sake gina wadannan yankuna da kuma ci-gaban da aka samu a shirin samar da zaman lafiya da ´yan tawaye. Wakilin MDD na musamman a yankunan dake fama da bala´in na Tsunami kuma tsohon shugaban Amirka Bill Clinton ya bayyana taimakon sake gina yankunan da cewa babban kalubale ne.