1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An fara tsagaita wuta a Siriya

Gazali Abdou Tasawa
May 6, 2017

Rahotannin daga kasar Siriya na cewa bangarorin da ke yaki a kasar sun fara mutunta yarjejeniyar tsagaita wutar da kasashen Rasha da Iran da Turkiya suka cimma a birnin Astana na kasar Kazastan.

https://p.dw.com/p/2cWqb
Fara aiki da yarjejeniyar tsagaita wuta a kasar Siriya da yaki ya dai-dai ta.
Fara aiki da yarjejeniyar tsagaita wuta a kasar Siriya da yaki ya dai-dai ta.Hoto: picture-alliance/Zuma Press/K. Almasri

Kungiyar OSDH da ke sa ido a yakin na Siriya ta shaida wa kamfanin dillancin labaran Faransa na AFP cewa, tuni karar bindigogi ta lafa a biranen kasar da dama, tun baya ga wasu 'yan harbe harbe da karan tashin bama-bamai da aka ji a daren Jumma'ar da ta gabata da ma wayewar garin Asabar a jihar Hama da a tsakiyar birnin Damaskus da kuma arewacin birnin Alepo. Yarjejeniyar ta birnin Astana dai ta tanadi samar da tuddan natsira guda hudu a cikin jihohi takwas na kasar ta Siriya a tsawon wa'adin watanni 10.