1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

An gano wasu kwarangwal na wani jinsin dan Adam

Mohammad Nasiru AwalSeptember 10, 2015

'Yan kimiyya sun ce wasu kasusuwa da masu bincike suka gano a wani yanki da ke Afirka ta Kudu na da dangantaka da wani sabon jinsi na dan Adam.

https://p.dw.com/p/1GUj5
Südafrika Homo Naledi Überreste neuer Menschenart entdeckt EINSCHRÄNKUNG
Hoto: picture-alliance/ National Geographic/ Mark Thiessen

Masana ilimin kimiyya sun ce sun gano wani sabon jinsi na dan Adam bayan wani bincike da suka gudanar kan wasu kasusuwa da kwarangwal da suka gano a wani kogo da ke kasar Afirka ta Kudu. Suka ce kasusuwan sun nuna wasu abubuwa na al'ajabi da ke kama da na dan Adam da ke da wasu alamu na zamanin jahiliyya, wanda wasu daga cikin 'yan kimiyyar suka bayyana da masu ba da tsoro. Shugaban masu bincike na jami'ar Witwatersrand da ke birnin Johannesburg na kasar ta Afirka ta Kudu, Farfesa Lee Berger ya ce kasusuwan za su haura shekaru miliyan 2.5. An ba wa wannan sabon jinsin sunan Homo Naledi.