An kashe wani na hannun damar shugaban Rasha
November 7, 2015Talla
An gano gawar wani tsohon ministan sadarwa na kasar Rasha na kusa da Shugaba Putin a dakin wani Hotel na birnin Washington babban birnin Amirka. Tashar talabijin ta ABC News ta kasar ta Amirka wacce ta ruwaito wannan labari da ta ce ta samu daga wasu manyan jami'an Rasha da Amirka, ta ce an gano gawar mutumin mai suna Mikhail Lesin wanda ya yi kaurin suna wajen tauye 'yancin aikin jarida a lokacin da yake rike da mukamin ministan sadarwar kasar ta Rasha a ranar Alhamis a wani daki na Hotel The Dupont Circle da ke a birnin na Washington
Tuni dai hukumomin kasashen biyu suka dukufa cikin binciken gano musabbabin mutuwar wanda yake daya daga cikin manyan attajiran kasar ta Rasha