An yi garkuwa da wasu mutane kusan 50 a Iraq
March 8, 2006Talla
Rahotanni daga gabashin kasar Iraqi sun nunar da cewa wasu yan bindiga dadi sunyi garkuwa da wasu ma´aikata kusan 50, dake aiki a wani kamfani mai zaman kansa.
Yan bindiga dadin dake sanye da kayan yan sanda sun sanya mutanen ne a cikin wasu motoci kusan goma da suka je ma´aikatar dasu.
Kafin dai faruwar hakan sai da dakarun sojin Amurka suka gano gawarwakin mutane 18 a cikin wata mota kirar bus a yammacin Birnin Bagadaza.
A cewar jami´an tsaron kasar dukkannin matattun na sanye ne da ankwa a hannayen su, kuma da alama sai da aka gallaza musu kafin kashe su.