Ana ci-gaba da kidayar kuri´u na zaben shugaban kasar Haiti

Sakamakon baya bayan nan da aka bayar na zaben shugaban kasar Haiti ya nuna cewa tsohon shugaban kasa Rene Preval na gaba da yawan kuri´u fiye da kashi 50 cikin 100. Hakan dai ya dan dara yawan rinjayen kuri´un da yake bukata don kauracewa zuwa zagaye na biyu na zaben a cikin wata mai zuwa. Bayan an kammala kidayar kimanin rabin kuri´un da aka kada a zaben na ranar talata, babban mai kalubalantar Preval kuma shi ma tsohon shugaba, Leslie Manigat na da kashi 11.4 cikin 100. Ana ganin Preval a matsayin dan goyon bayan tsohon shugaba Jean-Bertrand Aristide. Zaben dai shi ne na farko tun bayan hambarad da Aristide shekaru biyu da suka wuce kuma ya fice daga kasar.