Ana juyayin zagayowar shekara biyu da aukuwar igiyar ruwan Tsunami

Shekaru 2 bayan aukuwar igiyar ruwan nan ta Tsunami, wadanda suka tsira da sauran ´yan´uwa su na kai ziyarar a yankin gabar tekun don tunawa da wadanda wannan bala´i ya rutsa da su. Igiyar ruwan wadda ta auku a ranar 26 ga watan desamban shekara ta 2004, ta halaka mutane dubu 230. Mazauna yankunan sun kunna kyandur tare da yin shiru na mintuna biyu don juyayin wadanda suka rasu. A kuma can lardin Arceh na kasar Indonesia inda bala´i ya fi kamari har yanzu ana fuskantar koma baya a aikin sake gina wannan lardi, sakamakon ambaliyar ruwa da rashin kyawon yanayi. Akalla mutane dubu 167 suka rasu sannan har yanzu dubban mutane ke ci-gaba da zama a gidajen wucin gadi a lardin na Aceh.