1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

EU da AU sun hada Kai don yakar ta'addanci

Mouhamadou Awal BalarabeApril 8, 2016

Sakatarorin zartsawa na AU da EU sun yanke shawarar tafiya kafada da kafada a lamurun da suka shafi yaki da ayyukan ta'addanci a nahiyoyin Afirka a Turai.

https://p.dw.com/p/1IRk8
Symbolbild Jean-Claude Juncker und Nkosazana Dlamini-Zuma
Hoto: Getty Images/AFP/J. Thys

Kungiyar Gamayyar Turai da takwarata ta tarayyar Afirka za su hada gwiwa wajen yakar ayyukan ta'addanci da ke addabar nahiyoyin nasu guda biyu. Sakataren zartaswa na EU Jean-Claude Juncker da takwrarsa na AU Nkosazana Dlamini-Zuma ne suka cimma wannan matsaya, yayin wani taron hadin gwiwa da suka gudanar a cibiyar AU da ke birnin Addis Ababa na kasar Habasha. A cewarsu shugabannin biyu da,i hada karfi da karfe ne kawai zai iya baiwa Afirka da Turai damar karya kashin bayan masu kaddamar da hare-hare da sunan addini.

Juncker da Dlamini-Zuma sun yi amfani da wannan dama wajen jaddada aniyarsu na yakar 'yan Afirka da ke yunkurin shiga Turai ta barauniyar hanya. Sannan kuma sun tattauna kan rikice-rikice da ke haddasa zubar da jini a kasashe da dama na Afirka, tare da karfafa dangantaka da ke tsakaninsu a fannin yaki da gurgusowar hamada.