1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Bam ya halaka gwammai a Afghanistan

Ramatu Garba Baba
June 22, 2017

Kungiyar Taliban ta kashe rayuka sama da 30 a wani yankin kasar Afghanistan. Lamarin ya faru ne lokacin da Bam ya tashi a wani bankin Lashkar Gah da ke tsakiyar hada-hada.

https://p.dw.com/p/2fCXS
Afghanistan Explosion in Kabul
Hoto: Getty Images/AFP/S. Marai

Rahotanni daga kasar Afghanistan na cewa mutane 34 sun rasa rayukansu a wani bam da mayakan kungiyar Taliban suka  tayar a banki a yayin da taron al'umma ke kokarin ciran albashi daga na'urar cirar kudi ta ATM.

Harin wanda ya auku a wannan Alhamis, an kai shi ne a yankin Lashkar Gah da ke daf da birnin Kabul, bayanai sun ce akwai wasu fiye da 50 da suka sami raunuka da aka riga aka ruga da su asibiti. Harin dai ya kasance mafi muni da aka kai kan ayarin jama'a cikin wannan watan na Ramadana. Galibin mutane da suka mutu dai fararen hula ne.