Blair zai gana da Mr Olmert da Mr Abbas

Faraministan Biritaniya Mr Tony Blair ya isa kasar Israela, aci gaba da ziyarar daya kai yankin Gabas ta tsakiya. A dai wani lokaci ne a nan gaba, Mr Blair zai gana da Faraministan Israela Ehud Olmert da kuma Jagoran palasdinawa Mahmud Abbas.

Kafafen yada labarai dai sun rawaito Blair na cewa babban abin yi a yanzu haka shine, daukar matakan shawo kann rikicin dake faruwa a tsakanin Israela da Palasdinawa.

Ana dai sa ran a lokacin ganawar sa da jagoran palasdinawa, Mr Blair zai nuna goyon bayan sa ga zaben da Mr Mahmud Abbas ya bukaci gudanarwa a yankin.

Kafin dai barin Mr Blair madafun ikon kasar Biritaniya a shekara ta 2007, akwai alamun cewa zai yi iya kokarin sa na ganin an cimma maslaha a tsakanin Israela da Palasdinawa.