Bukukuwan sallah na gudana lafiya a Najeriya

Yawancin jama’ar jihohin Borno da Yobe sun yi sallah cikin kwanciyar hankali da lumana bayan da aka sakar musu mara domin yin zirga-zirga da ababen hawa, wanda aka shafe shekaru ba’a yi amfani da su ba a bukukuwan Sallah.

Wannan mataki ya sa al’ummar jihohin sun gudanar da bukukuwan Sallah cikin farin ciki kamar yadda Habu Amma Bama wani da ke da zama a Maiduguri ya shaida wa DW ta wayar tarho.

Sallar ba ta yi wa 'yan gudun armashi ba

Dubban wadanda suka tsere wa rikicin Boko Haram kuma aka tsugunar da su a sansanoni dabn- dabnm a jihohin suna gudanar da bukukuwan Sallah cikin kunci, inda suke kokawa dangane da karancin abinci da kuma Kuncin rayuwa.

A sauran jihohin shiyyar Arewa maso Gabashin Najeriya, an gudanar da bikin Sallar lami lafiya, amm cikin tsaurara matakan tsaro na ko ta kwana.
Sannan matsi na tattalin arizkin kasa ya sa da dama ba su samun damar yin dinkin Sallah ko abincin Sallah ba.