1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Cutar murar tsuntsaye ta kara bulla a kasar Sin

November 29, 2005
https://p.dw.com/p/BvIt

Rahotanni daga kasar Sin sun nunar da kara bullar cutar murar tsuntsaye a kasar. Wannan bayanin dai ya fito ne daga bakin maikatar kula da aiyukan noma ta kasar.

Bisa kuwa hakan tuni jami´an gwamnatin kasar suka bayar da umarnin halaka dubbannin tsuntsaye dake wani gidan gona a arewa maso yammacin yankin Xinjiang.

Daga dai tun lokacin da wannan cuta ta bulla a kasar ta sin ya zuwa yanzu, bayanai sun shaidar da cewa tsuntsaye a kalla miliyan ashirin aka halaka a kasar a kokarin da ake na dakile yaduwar cutar izuwa wasu gurare na daban.