1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Dangantakar Isra'ila da Gaza na muni

Muntaqa Ahiwa MNA
April 2, 2018

Alkaluman wadanda suka halaka a rikicin iyakar Gaza da Isra'ila na ranar Juma'ar da ta gabata, ya kai mutum 17, dai-dai lokacin da Falasdinawa ke jan damarar zanga-zanga.

https://p.dw.com/p/2vND1
Gazakonflikt Beerdigung
Hoto: picture-alliance/dpa/Photoshot/A. Nobani

Yawan wadanda suka mutu a rikicin iyakar Gaza da Isra'ila na ranar Juma'ar da ta gabata, ya kai mutum 17 a wannan Litinin a dai-dai kuma lokacin da Falasdinawa ke jan damarar zanga-zanga mai karfi. Majalisar Dinkin Duniya da kungiyar Tarayyar Turai sun yi kiran a gudanar da cikakken bincike kan rikicin, binciken da mahukuntan Isra'ila suka nuna ja a kai.

Daruruwan Falasdinawa ne suka ji rauni a artabu tsakaninsu da sojojin Isra'ila, rikicin da aka dauki shekaru ba a ga irinsa ba tsakanin Isra'ila da Falasdinu.

Ma'aikatar lafiyar a yankin Falasdinawa ta tabbatar da mutuwar wani matashi Bafalasdinu guda a wannan Litinin, sakamakon raunin da ya ji a rikicin.

Kungiyar Hamas ta yi kiran ci gaba da zanga-zangar da ya kai sojin Isra'ila afka masu a ranar Juma'ar da ta gabata.