Fina-finan Hausa a Nijer da Najeriya
August 13, 2009Talla
A kwanakin baya tawagar hukumar tace fina-finan Hausa ta Kano a Najeriya ta kai ziyara a jihar Maraɗi ta Janhriyar Nijer domin sada zumunci da kuma ƙarfafa dangantaka tsakaninta da masu shirya fina-finan Hausa na Nijer. Wannan ziyarar ta zo ne a daidai lokacin da fina-finan Hausa ke daɗa samun bunƙasa a Janhuriyar ta Nijer baki ɗaya. Tawagar ta gana da sarakunan gargajiya da na zamani da kuma waɗanda ke da hannu a harkar shirya fina-finan Hausa a Maraɗi.
Mawallafi: Mohammad Nasiru Awal
Edita: Yahouza Sadisou Madobi