1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Ghana: An rantsar da shugaba Nana Akufo-Addo

January 7, 2017

Sabon shugaban Ghana Nana Akufo-Addo ya yi alkwarin farfado da tattalin arzikin kasar da kuma samar da guraben ayyuka ga matasa.

https://p.dw.com/p/2VRYI
Afrika Ghana - Nana Akufo-Addo übernimmt das Amt des Präsidenten
Hoto: Reuters/L. Gnago

A yau Asabar ne aka rantsar da sabon zababben shugaban kasar Ghana Nana Akufo-Addo a wani kasaitaccen biki da aka gudanar a Accra babban birnin kasar.

Sabon shugaban mai shekaru 72 da haihuwa a jawabinsa bayan rantsar da shi ya yi alkawarin bullo da managartan matakai domin farfado da tattalin arzikin Ghana da kuma samar da guraben ayyuka ga matasa.

Afrika Ghana - Nana Akufo-Addo übernimmt das Amt des Präsidenten
Hoto: Reuters/L. Gnago

Bikin ranstuwar ya sami halaratar shugabannin kasashen 11 na Afirka da kuma tsoffin shugabannin kasar na baya da suka hada da , Jerry John Rawlings da kuma John Kufuor.


A cikin shekaru 25 da suka gabata dai, ana yi wa Ghana kallon kasa da ta kafa ginshikin dimokradiyya da kuma kwanciyar hankali a cewar daya daga cikin wadanda suka sa ido a zaben na cibiyar bunkasa demakaradiya ta NDI.