1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

A Girka an bude kasuwannin hannayen jari

Yusuf BalaAugust 3, 2015

Ba dai a tsammanin akwai wani hannun jari koda kuwa ɗaya ne da zai samu tagomashi da buɗe kasuwar.

https://p.dw.com/p/1G8mF
Die Börse in Athen
Kasuwar hannun jari a GirkaHoto: Getty Images/AFP/A. Messinis

Ƙasar Girka ta ɗauki mataki na gaba a batutuwa da sauka shafi tattalin arzikinta inda a ranar Litinin ɗin nan ta buɗe kasuwannin hannayen jarinta a karon farko, tun bayan da aka rufe kasuwannin makwanni biyar da suka gabata. Sai dai a yayin buɗe kasuwar ana tsammanin faduwar darajar hannayen jari.

Masu hada-hada a kasuwannin na hannayen jari a kasar ta Girka da ma wajenta na ganin cewa za a fiskanci faduwar darajar hannayen jarin da zarar an buɗe kasuwar a ranar Litinin din tun da misalin karfe bakwai agogon GMT.

A cewar Takis Zamanis masanin harkokin zuba jari a Girka ya ce ba sa tsammanin akwai wani hannun jari koda kuwa ɗaya ne da zai samu tagomashi a ranar Litinin ɗin nan da za a bude kasuwar.