1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Hukumar zaben Niger ta fara tattara sakamakon zaben kasar

Kamaluddeen SaniFebruary 22, 2016

Hukumar ta CENI ta ce ana cigaba da gudanar da zabubbuka a wasu yankunan kasar da aka samu matsaloli da suka hada da jinkirin kai kayan zabe.

https://p.dw.com/p/1Hzch
Niger Wahlen Politik Stimmen Auszählung
Hoto: DW/M. Kanta

Jamhuriyar Niger wadda Allah ya huwace wa ma'adanun Uranium da kwal gami da mai al'ummar kasar sun kada kuri'unsu ne domin zabar shugaban kasa da 'yan majalisar dokokin kasar a inda shugaba Mouhamadou Issoufou ke muradin ganin ya tsallaka zuwa wa'adin mulki na biyu.

Tun a ranar Lahadi dai al'ummar kasar suka futo kwansu da kwarkwata domin zaben wanda zai sake jagorantar kasar a shekaru biyar da ke tafe. An dai gudanar da zaben cikin kwanciyar hankali da lumana a ta cewar hukumar zaben kasar wato CENI.

Sai dai 'yan jamiIyyun adawa sun sa kafa sun yi watsi da bullar sakamakon a inda suka ce an tafka magudi a cikinsa.

Mutane kimanin miliyan bakwai da dubu dari biyar suka cancanci kada kuri'a a kasar.