1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Hukumomi a Nijar sun cafke Hama Amadou

Kamaluddeen SaniNovember 15, 2015

Rahotannin da ke fitowa daga Nijar na cewar shugaban jam'iyyar Afrika Lumana Hama Amadu ya isa a birnin Yamai sai dai isarsa ke da wuya jami'an tsaron su ka kama shi.

https://p.dw.com/p/1H5x7
Hama Amadou nigrischer Oppositionspolitiker
Hoto: DW/S. Boukari

Hama Amadu dai da ke kasancewa tsohon shugaban majalisar dokokin Niger na daga cikin fasinjojin da suka sauka cikin jirgin sama mallakar kamfanin sufurin jiragen sama na Faransa wato Air France a filin saukar jiragen sama na Djori Hamani.

Rahotanin na cewar jami'an tsaro sun datse hanyoyin zuwa filin saukar jiragen sama inda gabanin zuwan sa aka sha artabu tsakanin 'yan sanda da magoya bayansa. Bayan saukarsa dai hukumonin tsaron kasar sun kama shi inda suka ize keyarsa zuwa kurkuku.

Shugaban na jam'iyyar Lumana ya fice daga Nijar ne a shekara ta 2014 zuwa Faransa bayan da kotu ta tuhumeshi da laifin yin safara jarira da shi da maidakinsa.