Hukumomin Lebanon sun kame wani da ke shirin kaiwa Jamus hari

Gwamnatin Jamus ta ce hukumomin Lebanon sun faɗa mata cewar sun yi amana wasu masu tsauttsauran ra´ayin na shirin ƙaddamar da hare-haren ta´addanci a cikin Jamus. Yanzu haka dai an tsaurara matakan tsaro a ma´aikatar shari´a wadda aka bayyana da cewa za a kaiwa harin. Wannan gargaɗi ya fito fili ne bayan da aka kame wani da ake zargin cewa ɗan al-Qaida ne a birnin Beirut. Rahotannin sun yi nuni da cewa a farkon wannan makon mutumin ya buga waya zuwa ofishin jakadancin Jamus dake Beirur inda ya yi barazanar kai hare-haren akan ma´aikatun gwamnatin Jamus a matsayin daukar fansa ga hukuncin ga shari´ar da ake yiwa wasu ´yan al-Qaida a nan Jamus.