Kasashen Jamus da Iraq za su yi aikin hadin gwuiwa

Wannan sanarwa na zuwa ne yayin da ministan raya kasa na Jamus Gerd Mueller ya gana da firaministan Iraqi Haider al-Abadi yau lahadi a birnin Baghdad dake kasa ta Iraqi. Tun da fari kafin ziyarar ta sa ministan raya kasar na Jamus ya shaida wa manema labarai a jiya Asabar cewar abu ne mai muhimmancin gaske yadda al'umma ke iya komawa garuruwan su don ba 'ta'addanci kunya,daga nan sai ya kara jaddada aniyar kasashen na ba ilimi fifiko,a wani ci gaban kuma sama da mutane dubu goma 'yan kasar Iraqi mazauna Jamus za su amfana da taimako daga Jamus don su koma gida.