Kenya ta kafa dokar takaita fita a Mandera

Wannan mataki dai na zuwa ne bayan da yankin na Mandera da ke kan iyaka da Somaliya ya fuskanci munanan hare-haren kunar bakin wake har guda biyu cikin makoni uku, musamman harin da Kungiyar al-Shabab ta kai a baya-baya nnan da ya hallaka mutane 12.

Da ya ke karin haske kan dokar, ministan cikin gida Joseph Nkaissery, ya ce daga yau Alhamis dokar za ta fara aiki daga karfe 6.30 na yamma zuwa 6:30 na safe har sai 27 ga watan Disamba da ke tafe. Ana dai alakanta kungiyar 'yan ta'adda na Al-Qaeeda da dasawa da  al-Shabab wacce ta sha alwashin ganin bayan gwamnatin Somaliya.