1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Kimanin 'yan gudun hijira dubu 450 sun shigo Jamus a bana

Mohammad Nasiru AwalSeptember 10, 2015

Shugaban jam'iyyar SPD kuma ministan tattalin arzikin Jamus Sigmar Gabriel ya nuna bukatar a samar da halattattun hanyoyin shigowa Turai.

https://p.dw.com/p/1GUKH
Deutschland Bundeswirtschaftsminister Sigmar Gabriel in Ingelheim
Hoto: picture-alliance/dpa/C. Schmidt

Ministan tattalin arzikin Jamus wanda har wayau shi ne shugaban jam'iyyar SPD Sigmar Gabriel ya sake yin kira da a gaggauta samar da wata manufa kan baki da ke son yin kaka-gida a Jamus. Ya ce da haka ne kawai za a yi maganin kungiyoyin da ke fataucin dan Adam. Ya ce ba za a iya haramta yin kaura ba, saboda haka ya zama wajibi a bude halattattun hanyoyin shigowa Turai. Bisa kalamansa dai a bana 'yan gudun hijira kimanin dubu 450 suka shigo tarayyar Jamus. A lokaci daya kuma mataimakin shugabar gwamnatin Jamus din ya soki lamirin wasu kasashen kungiyar EU da nuna son kai, inda suke kin karbar 'yan gudun hijira.