Kofi Annan ya baiyana bukatar samar da runduna mai karfi ta MDD don kiyaye zaman lafiya a Dafur.

Sakataren majalisar dinkin duniya Kofi Annan ya bukaci samar da tawaga mai karfi ta dakarun kiyaye zaman lafiya a lardin Dafur na kasar Sudan . Kofi Annan yace a halin da ake ciki kungiyar gamaiyar Afrika na fama da karancin kudade na tafiyar da aikin dakarun kiyaye zaman lafiyar, Anan ya kara da cewa bisa ga tabarbarewar alámuran tsaro a yankin na Dafur dakarun na majalisar dinkin duniya na iya yin amfani da karfin tuwo domin kare rayukan jamaá. Sakataren majalaisar dinkin duniyar yace a halin da ake ciki akwai mutane fiye da miliyan biyu dake gudun hijira a yankin Dafur.