Komitin sulhu ya gana akan rikicin gabas ta tsakiya

Komitin sulhu na Majalisar Dinkin Duniya ya gana jiya a birnin New York game da tashe tashen hankula dake ci gaba a yankin gabas ta tsakiya.

Kasashen larabawa dai suna kira da gaggauta tsagaita wuta a Gaza,wadda suka bukaci dakaru karkashin sa ido na Majalisar su kaddamar da shi.

Wakilin Palasdinu a Majalisar Dinkin Duniya Riyad Mansour ya zargi Israila da aikata laifukan yaki a yankin yana mai cewa ya kamata a kama wadanda suka haddasa wannan karkashin dokoki na kasa da kasa.