Ma'aikatan Red cross sun halaka a Afghanistan

Wasu da ake zargin mayakan IS ne sun halaka ma'aikatan agaji na Red Cross shida a Afghanistan a lokacin da suke aiki a Arewacin Afghanistan a ranar Laraban nan, kamar yadda jami'an suka bayyana. Wani abu da ke kara fito da irin hadari da ke tattare da aiki a kasar da yaki ya daidaita.

Wasu ma'aikatan agaji daga kungiyar ta Red Cross biyu kuma sun yi batan dabo bayan wani farmaki da aka kai musu a lardin Jowzjan. Daya cikin hari mafi muni da aka kai ga kungiyar agajin ta kasa da kasa a 'yan shekarun nan.

Su dai wadannan ma'aikatan agaji da ke tafe da direbobi uku da ma'aikata biyar an bude musu wuta a lokacin da motarsu ta dauko kayan abinci zuwa wani yankin al'umma da ke cikin tsanani na bukata bayan da suka fuskanci zubar dusar kankara.