1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Miliyoyin yara na shakar gurbatacciyar iska

October 31, 2016

A wani rahoton da hukumar kula da kanana yara ta Majalisar Dinkin Duniya ta fitar ta ce akwai kananan yara miliyan 300 da rayuwarsu ke fuskantar barazanar shakar gurbatacciyar iska.

https://p.dw.com/p/2Rv3c
Eritrea Kinder im Flüchtlingslager in der Region Tigrai Äthiopien
Hoto: Reuters/T. Negeri

Binciken rahoton dai ya nuna cewa irin iska maras tsabta da kananan yaran ke rayuwa a ciki na da mummunar illa da ke haifar da babbar matsala ga kwakwalwar wanda ke yin nakasu ga wasu sassa na halittun jikin yara.

A yanzu dai Majalisar Dinkin Duniya ta ce ana samun yaro guda cikin bakwai a fadin duniya da ke shakar gurbatacciyar iska mai dauke da guba sabanin tsarin da ya dace da hukumar kiwon lafiya ta duniya WHO. Wannan ya sa ake ganin gurbatar yanayi a matsayin abin da ke zama barazana ga rayuwar kananan yara a duniya.

Binciken dai ya nuna cewa yara miliyan 520 a kasashen Afirka da ke fuskantar matsalar gurbatar yanayi na hayakin ababen hawa, da na murhun abinci hade da na kura mai datti da ma dumamar juji.