1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Mumunar gobara a birnin London

Muntaqa Ahiwa
June 14, 2017

Wata mumunar gobara cikin daren Talata a London, ta mamaye wani bene dauke da gidaje masu yawa da ya zuwa yanzu, ba a tantance musabbabinta ba. Tuni dai hukumomi suka bayyana lamarin da wani babban bala'i.

https://p.dw.com/p/2efNb
Großbritannien Großbrand in Londoner Hochhaus
Hoto: Reuters/T. Melville

Akalla jami'an kwana-kwana 200 ke kokarin shawo kan gobarar da ta kama wani dogon benen da ke yammacin birnin na London inda mutane da dama suka makale. Gobarar da ta fara ne kusan karfe daya na dare agogon GMT, ta kuma mamaye ilahirin katafaren ginin ne mai hawa 27 inda mutane da dama ke barci a cikinsa. Ko a safiyar wannan Larabar ma dai wasu hotuna sun nonu irin ta'asar da wutar ke yi.

Shaidu sun ce sun yi ta jin yadda mutane ke kururuwar kiran kai masu dauki cikin ginin wanda ke dauke da gidaje sama da 120. An dai yi nasarar ceto mutane, inda ake yi wa wasu kimanin 30 maganin a wasu asibitoci. Wutar wadda ta kazanta matuka, ka iya lakume kafatanin ginin da ke a North Kensington da ke a yammacin birnin na London. Ba a dai tantance musabbabin tashin wutar ba, ya zuwa yanzu.