1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Shugaban Jamus Joachim Gauck na ziyara a Njeriya

Kamaluddeen SaniFebruary 9, 2016

A cigaba da ziyarar da yanzu haka yake a tarayyar Najeriya shugaban kasar Jamus Joachim Gauck ya jinjinawa kasar abisa nasarar gudanar da zaben shugaban kasa a shekara ta 2015.

https://p.dw.com/p/1Hs84
Nigeria Gauck auf Staatsbesuch
Hoto: picture alliance/dpa/W. Kumm

Shugaban Jamus din yace Najeriya ta zama zakaran gwajin dafi a tsakanin kasashen Afrika.　

Shugaban tarayyar Jamus din dai na wadan nan kalaman ne a yayin da yake ganawa da fitaccen marubucin adabin nan Ferfesa Wole Soyinka a jihar lagos dake kudu maso yammacin Najeriya.

Joachim Gauck ya kuma jinjinawa kasar abisa yunkurin ta na kakkabe ayyukan Boko Haram a inda ya kara da cewa akwai bukar sake zage dantse domin yaki da ayyukan ta'addanci.

Ana sa ran dai zai gana da shugaban kasa Muhammadu Buhari a ranar alhamis din nan a yunkurin sa na kara karfafa dangantaka tsakanin kasasen biyu tare da kai ziyarar gani da ido yankin arewa maso gabashin kasar da ayyukan Boko Haram ya shafa.