Shugabannin kasashen Jamus da Indiya sun gana

Kasashen Jamus da Indiya sun saka hannu kan sabbin tsare-tsare 18 na kasuwanci, da makamashi, da kuma tsaro.

Shugabar gwamnatin ta Jamus Angela Merkel da Firaminista Narendra Modi suka amince da sabbin tsare-tsaren yayin da Merkel ta ke ci gaba da ziyara a birnin New Delhi na kasar ta Indiya. Modi ya kuma nuna amincewa da sake shiga tattaunawa bisa yarjejeniyar kasuwanci da babu shinge da kungiyar Kasashen Turai, wadda ya dakatar a farkon wannan shekara ta 2015.