Ta yaya ake karɓar 'yan gudun hijira a Jamus

A cikin rahoton da aka bayyana na waɗanda ke buƙatar mafaka a jihar Rheinland Palatinate da ke a yammacin Jamus , kimanin mutane 850 za a iya samarwa da matsugunai. Lokacin da 'yan gudun hijira suka iso Jamus a kan karɓesu a cikin cibiyoyi na wucin gadi inda za su yi zama na wani ɗan lokaci bayan watanni uku za a kai su wani gari ko wata unguwa. Kula da karɓar nasu ya danganta da wuraren.

Saboda yawancin cibiyoyin karɓar 'yan gudun hijirar sun cika makil, don haka ake amfani da wasu ofisoshi. A Hamm da ke a Nordrhein-Westfalen, da ke a yankin arewa ma so gabashin Jamus zauren taruka na Alfred-Fischer an mayar da shi matsugunin 'yan gudun hijira wanda kuma zauren kan ɗauki mutum 500. An dai raba zauren muhawarar mai faɗin murabba'in mita dubu 2700 gida biyu aka saka gadaje 14.

Cincirindon 'yan gudun hijirar da sannu a hankali na janyo gazawar biranen na ƙarɓarsu. Misali birnin Aachen da ke a yammacin Jamus a tsakiyar watan Yuli ya kamata ya karɓi 'yan gudun hijira 300. Kuma hanya ɗaya ta samar da isashen wuri ga kowa ita ce ta sakasu a cikin wata makaranta ta INDA, inda aka tsara agajin kiwon lafiya da gadaje da wurin kwana domin karɓar 'yan gudun hijirar.

A baya- baya nan a nan Jamus a kan gina cibiyoyin 'yan gudun hijirar, inda ake gina wani garin na musammun da tantina. Buƙatar masu neman mafakan ta ƙaru a Halberstadt, Sachsen-Anhalt, da ke a yankin kudu ma so yammacin Jamusamma za a iya yin amfani da wuraren da ake da su kafin zuwan ɗari a samu wasu wuraren da ke da akwai.

Cibiya mafi girma ta 'yan gudun hijira wacce aka yi da tantina ita ce a halin yanzu wadda ke a Dresden.da ke a arewacin Jamus Rayuwa sai da haƙuri; jama'a kan ja dogon layi kafin samun shiga bayan ɗaki sannan akwai jira wajen samun abinci. Akwai mutane kusan dubu goma daga ƙasashe 15 da ke zaune a wurin, kuma ana sa ran a cikin kwanaki na gaba adadin mutane zai ƙaru har zuwa dubu goma sha ɗaya.

Domin ƙara adadin masu neman mafakar da sannu a hankali a kan gina ɗakuna kwanoni a Jamus a wurare daba-daban .Tun a shekarun 2014 aka fara gina waɗannan gidaje a cibiyoyin 'yan gudun hijira a Trier da ke a yammacin Jamus.

'Yan kwana-kwana na kashe wutar gobara a cikin gidan wani ɗan gudun hijirar a Remchingen, Baden-Würtemberg, dake a yankin kudu ma so yammacin Jamus ranar 18 ga watan Yuli. Yanayin jama'ar ƙasar na Jamus na nuna ƙyama sosai ga 'yan gudun hijirar, a yanzu a kan kai hare-hare a kan 'yan gudun hijirar musammun ma a yankin gabashi da kudancin Jamus

Jagoran jam'iyyar SPD Sigmar Gabriel ya yi magana a kwanan baya yana mai cewar akwai 'yan gudun hijira kusan 300 a Wolgast, Mecklenburg da ke a arewacin Jamuswaɗanda ke yin rayuwa tare da ya'yansu.'Yan siyasa dai na buƙatar ganin gwamnatin ta taimaki jihohin da ke ɗaukar nauyin 'yan gudun hijirar da kuɗaɗe. Gabriel ya kuma ce maganar karɓar 'yan gudun hijira magane ce ta jin kai.

Domin biyan buƙatun 'yan gudun hijirar an gina sabbin gidaje da dama a Nuremberg da Bavaria da ke a arewacin Jamus da dai sauransu. Sabon wurin da aka gina a Nuremberg zai iya ɗaukar mutane 60 kuma za a fara yin amfani da shi a shekarun 2016.

An kammala sabbin gidaje da dama na 'yan gudun hijirar, za a ci gaba da gina gidajen yawancinsu na wucin gadi. Wasu ma'aikatan na ƙungiyoyi agaji su 170 sun gina wasu gidajen na tantina kusan 20 da kuma gadaje 300.