Tsagerun Niger Delta sun sake yin garkuwa da wani mutumin

Wasu yan bindiga dadi da ba a san kosu wanene ba, a jihar Rivers dake a Nigeria, sunyi garkuwa da wani dan kasar Lebanon, a yayin da yake kann hanyar sa ta zuwa aiki.

Ya zuwa yanzu dai mutane fararen fatu dake aiki a kamfaninnikan hakar mai, wadanda akayi garkuwa dasu a tsawon kwanaki goma da suka gabata sun kai 15.

To sai dai daga cikin su an sako guda tara, amma ragowar ciki har da jamusawa biyu , har yanzu ana ci gaba da garkuwa dasun.

Garkuwa ta baya bayan nan da akayi da dan kasar ta Lebanon dake aiki, a wani kamfanin gyare gyare, tazo ne a dai dai lokacin da , Jami´an tsaro a kasar, suka kaddamar da gagarumin shirin dakile fitinar tsagerun na Niger Delta, dake ci gaba da tashin zaune tsaye a yankin.

Yankin na Niger Delta dai , yanki ne da yayi kaurin suna wajen fuskantar tashe tashen hankula da kuma yawaitar yin garkuwa da fararen fatu ,dake aiki a kamfaninnikan hakar mai a yankin.